સૂર્ય એ કર્યો વૃષભ રાશિ માં પ્રવેશ,આ 3 રાશિઓનું ચમકી ગયું કિસ્મત,થશે ખુશીઓનું આગમન..

જ્યોતિષ શાસ્ત્રમાં સૂર્યને ગ્રહોના રાજાનું બિરુદ અપાયું છે. આથી જ સૂર્ય એક રાશિમાંથી બીજી રાશિમાં પ્રવેશે તેની 12 રાશિ પર મોટી અસર જોવા મળે છે. વળી હિન્દુ ધર્મમાં સૂર્ય એકમાત્ર એવા દેવતા છે જે આપણે નરી આંખે જોઈ શકીએ છીએ. જ્યોતિષ માં સૂર્યને સમાજમાં ખાન-પાન, સફળતા, પિતા સાથેના સંબંધો, વિકાસ અને પ્રમોશનનો કારક મનાય છે. જાણો આ ગોચરની તમારી રાશિ પર કેવી અસર પડશે.

મેષ રાશિ.

સૂર્ય તમારા બીજા ભાવમાં પ્રવેશ કરશે જેને સમૃદ્ધિનું સ્થાન કહેવાય છે. આ ગાળામાં તમારી વાણીમાં કટુતા આવી શકે છે, તમારા શબ્દોથી કોઈને દુઃખ પહોંચી શકે છે. કોઈપણ વાતચીત ઝઘડામાં તબદીલ થઈ શકે છે. આથી એક મહિનાના ગાળામાં તોલી તોલીને બોલવાનો નિયમ જીવનમાં ઉતારજો, નહિ તો મુશ્કેલીમાં મૂકાશો. તમારુ દાંપત્યજીવન આ ગાળામાં સારુ રહેશે, જો કે પતિ-પત્નીના સ્વાસ્થ્યની કાળજી રાખવી. આ ગાળામાં લીધેલા આર્થિક નિર્ણયો તમને ફાયદો કરાવશે. આ મહિને જીવનના અનેક મોરચે તમે સમૃદ્ધ થશો.

વૃષભ રાશિ.

તમારા લગ્ન ભાવમાં એટલે કે પ્રથમ ભાવમાં સૂર્ય પ્રવેશી રહ્યો છે. આ સ્થાન વ્યક્તિના દેખાવ, સ્વભાવ, સ્વાસ્થ્ય અને જીવનમાં સારા-ખરાબ પાસાનું સ્થાન છે. સૂર્ય આ સ્થાનમાં પ્રવેશવાથી તમારા પર તેની દેખીતી અસર પડશે. સ્વભાવમાં થોડી આક્રમકતા આવશે અને ઈગો પણ વધી શકે છે. તમને દાંપત્ય જીવનમાં થોડી મુશ્કેલી પડી શકે છે. તમારા જીવનસાથી પ્રત્યે આક્રમક વલણ દાખવ્યા કરતા શાંતિ જાળવવાનો પ્રયત્ન કરવો. ઝઘડા, ગેરસમજણોથી દૂર રહેવું. બીજી બાજુ સૂર્યના પ્રથમ ભાવમાં આગમને કારણે તમારા લાઈફ પાર્ટનરને નોકરી-વ્યવસાયમાં બઢતી અને સફળતા પ્રાપ્ત થવાની શક્યતા છે. તમને પણ કામના સ્થળે અનુકૂળતા રહેશે અને સફળતા મળશે.

મિથુન રાશિ.

તમારા બારમા ભાવમાં સૂર્યનું આગમન થશે. આ સ્થાન વિદેશ યાત્રા, ખર્ચ અને મોક્ષનું સ્થાન છે. આ ગાળામાં તમારે સ્વાસ્થ્યનું ખાસ ધ્યાન રાખવું પડશે. ખર્ચમાં વધારો થઈ શકે છે. તમારા ભાઈ-બહેન માટે સૂર્યનું ગોચર લાભકારક પુરવાર થશે. કાયદાકીય બાબતે તમને સફળતા મળશે. કોઈ મનોહર સ્થળે પ્રવાસનો પ્લાન બને. પરિણિત લોકોએ તેમના માનસિક અને શારીરિક સ્વાસ્થ્યની કાળજી રાખવી.

કર્ક રાશિ.

તમારા અગિયારમા ભાવમાં સૂર્યનું ગોચર તમને સફળ થવાની અઢળક તકો આપશે. આ સ્થાન નફા, ભાઈ-ભાંડુ અને પ્રોગ્રેસ સૂચવે છે. આ ગાળામાં તમારી કોઈપણ આર્થિક તકલીફ દૂર થઈ જશે. આર્થિક દૃષ્ટિએ તમે મજબૂત બનશો.લવ લાઈફમાં ઈગો સાઈડમાં રાખશો અને પ્રેમીજન સાથે વિનમ્રતાથી વર્તન કરશો તો વાંધો નહિ આવે, નહિ તો સંબંધો તૂટશે. તમે પોતાનો બિઝનેસ સ્ટાર્ટ કરવા અંગે પણ વિચારી શકો છો. નોકરી-ધંધો કરનારા માટે આ સમય અનુકૂળ છે. તમને વરિષ્ઠ અધિકારીઓ પાસેથી મદદ મળશે અને આ અનુભવ તમને ખરેખર ફાયદો કરાવશે.

સિંહ રાશિ.

સિંહ રાશિના જાતકો આ ગાળામાં કેટલાંક હિંમતભર્યા નિર્ણયો લેશે. તેમના કર્મ સ્થાનમાં સૂર્યનું આગમન થઈ રહ્યું છે. દસમુ સ્થાન કર્મ, સામાજિક દરજ્જા અને સિદ્ધિનું સ્થાન છે. આ એક મહિનામાં તમે જોશો કે તમને જીવનમાં આગળ વધવાની અઢળક તકો મળશે અને તમે પૂરી નિષ્ઠા સાથે કામ કરશો. તમારા પરિવાર અને દાંપત્ય જીવનમાં પણ ખુશીઓ રેલાશે. મા બાપના સ્વાસ્થ્યની કાળજી રાખવી, તે બીમાર પડી શકે છે.

કન્યા રાશિ.

તમારા નવમા ભાવમાં સૂર્યના ગોચરથી તમારે થોડી સતર્કતા દાખવવી પડશે. આ સ્થાન ભાગ્ય, લાંબી યાત્રાનું સ્થાન છે.આ ગાળામાં પિતાનું સ્વાસ્થ્ય કથળી શકે છે, ભાઈ-ભાંડુ સાથે તકરાર થઈ શકે છે.પિતા સાથે વાત કરતી વખતે પોતાની મર્યાદા ન ભૂલવી. બિઝનેસ માટે આ સમય અનુકૂળ છે.તમને વિદેશ માંથી ધનલાભ થવાની શક્યતા છે. લાંબા ગાળાના પ્રવાસનું આયોજન થાય. અમુક જાતકોને વિદેશ યાત્રાના પણ યોગ ઊભા થઈ શકે છે. કામના સ્થળે આ સમય તમારા માટે ખાસ્સો અનુકૂળ છે.

તુલા રાશિ.

તમારા આઠમા ભાવમાં સૂર્યનું ગોચર થશે. આ ગાળામાં તમારે પૈસાની બાબતે ખાસ સતર્ક રહેવું. આવક માં ઘટાડો થઈ શકે છે. આઠમુ સ્થાન જીવનના ચડાવ-ઉતાર, નફા-નુકસાન સાથે જોડાયેલું છે. આ ગાળા માં વરિષ્ઠ અધિકારીઓ સાથે તમારા સંબંધો કથળી શકે છે.જો કે બીજા સ્રોતોમાંથી આવક ઊભી થઈ શકે છે. પ્રેમની બાબતે આ સમય અનુકૂળ છે અને તમે એકાએક ફરવા જવાનો પ્લાન પણ બનાવી શકો છો. આ ગાળામાં જો પૈસા ઉછીના લેવાનો વારો આવે તો વિશ્વાસુ માણસ પાસે જ જજો. પરિણિત લોકોએ જીવ નસાથી સાથે દલીલમાં ઉતરવાનું ટાળવુ જોઈએ. આ એક મહિનાનો ગાળો તમારા માટે ખાસ અનુકૂળ નથી.

વૃશ્ચિક રાશિ.

તમારા સાતમા સ્થાનમાં સૂર્યનું ગોચર કામની દૃષ્ટિએ તમારા માટે ખાસ્સુ અનુકૂળ છે.આ સ્થાન જીવનસા થી અને બિઝનેસ પાર્ટનરશીપનું સ્થાન છે.આ ગાળામાં તમને પ્રમોશન કે કામના સ્થળે કોઈ સારા સમા ચાર મળી શકે છે.તમારા સામાજિક જીવન માટે પણ ગાળો ફાયદાકારક પુરવાર થશે.તમારા જીવન સાથી સાથે દલીલમાં ઉતરવાનું ટાળવું જોઈએ અને વાતચીતથી મુદ્દો ઉકેલવાની કોશઇશ કરવી જોઈએ.

ધન રાશિ.

તમારા છઠ્ઠા સ્થાનમાં સૂર્યનું આગમન તમને તમારા દુશ્મનો પર જીત અપાવશે.જ્યોતિષની દૃષ્ટિએ આ ગાળામાં કામના સ્થળે તમે નિખરી ઊઠશો,તમારી કામ કરવાની સ્પીડ પણ વધશે.કોર્ટ કેસમાં તમારી તરફેણમાં પરિણામ આવી શકે છે.આ ગાળામાં અણધાર્યા ખર્ચાને કારણે આર્થિક સ્થિતિ થોડી નબળી પડી શકે છે.જીવનમાં એવો સમય આવે જ્યારે તમને લાગે કે પરિસ્થિતિ તમને અનુકૂળ નથી.આવામાં તમારે પરિસ્થિતિને તમારી તરફેણમાં લાવવા વધુ મહેનત કરવી પડે છે. આ ગાળામાં તમારા જીવનસાથીના સ્વાસ્થ્યનું પણ ખાસ ધ્યાન રાખવું.

મકર રાશિ.

સૂર્ય તમારા પાંચમા સ્થાનમાં પ્રવેશ કરશે.આ સ્થાન સંતાન, શિક્ષણ, ડહાપણ વગેરેનું સ્થાન છે.વિદ્યાર્થી ઓનું આ ગાળામાં ફોકસ હટી શકે છે.અમુક જાતકોને લવ લાઈફમાં પણ સમસ્યાનો સામનો કરવો પડી શકે છે.તમારો પાર્ટનર તમારી લાગણી નહિ સમજી શકશે,આ પરિસ્થિતિને કારણે તમારી વચ્ચે મતભેદ વધી શકે છે.આ ગાળામાં તેમની વાત પણ સમજવાનો પ્રયત્ન કરવો.જો તમે આધ્યાત્મિકતાની દિશામાં આગળ વધવા માંગતા હશો તો આ ગાળો તમારા માટે અનુકૂળ છે.

કુંભ રાશિ.

કુંભ રાશિના જાતકોના ચોથા ભાવમાં સૂર્યનું આગમન થશે. આ સ્થાન સુખ,ઘર,માતા અને વાહનસુખનું સ્થાન છે.તમારા જીવનસાથી માટે આ ગોચર વિશેષ ફળદાયી પુરવાર થશે.તેમને કામના સ્થળે બઢતી મળશે પરંતુ તમારા બંનેના સંબંધોમાં ખટાશ આવી શકે છે. તમારી ફેમિલી લાઈફ સાધારણ રહેશે. માતા ના સ્વાસ્થ્યની કાળજી રાખવી. પાર્ટનર શીપમાં બિઝનેસ કરતા જાતકોને સારો નફો મળશે.

મીન રાશિ.

સૂર્યદેવ તમારા પરાક્રમ ભાવમાં પ્રવેશ કરશે. આ ગાળામાં તમારી હિંમત વધશે.નાના ભાઈ-ભાંડુ સાથે સંબંધો સુધરશે. આ ગાળામાં તમે વધુ એક્ટિવ બનશો અને કામના સ્થળે સારુ પરફોર્મ કરી શકશો. પારિવારિક જીવનમાં સુખ શાંતિ રહેશે, અંગત સંબંધો સુધરશે.આ ગાળામાં તમે ખૂબ જ ખુશીનો અહેસાસ કરશો. મોટા ભાઈ-બહેન સાથે કોઈ મુદ્દે મતભેદ થવાની શક્યતા છે. આ ગાળામાં આધ્યાત્મિકતા તરફ તમારો ઝુકાવ વધી શકે છે. નાના પ્રવાસનું આયોજન પણ થઈ શકે. આ ગાળો તમારા અને તમારા પિતા માટે વિશેષ રૂપે ફાયદાકારક રહેશે. તમને આ ગાળામાં સારો એવો નફો થઈ શકે છે.

LEAVE A REPLY

Please enter your comment!
Please enter your name here