અહીં જાહેર રસ્તામાં મુકાયા પંચિંગ બેગ, જાણો શુ કામ મુક્યા જાહેર માં

હવે ન્યુયોર્ક આખું બોક્સિંગ કરતું જોવા મળે તો નવાઈ નહીંં

ન્યુયોર્કઃ નોકરિયાત લોકોમાં માનસિક તણાવ હવે ખૂબ સામાન્ય થઈ ગયો છે. દર 2-3 નોકરિયાત કામના ભારણ કે પછી કામ અને ફેમિલી વચ્ચે સતત પોતાની જાત પર તણાવ-સ્ટ્રેસ અનુભવી રહ્યો હોય છે. ત્યારે અમેરિકાના મુખ્ય શહેર ન્યુયોર્કમાં લાખો લોકો આવા સ્ટ્રેસનો શિકાર છે. આ અંગે ગયા મહિને થયેલા સર્વે પ્રમાણે, અમેરિકાના કર્મચારીઓમાં માનસિક તાણનું પ્રમાણ સૌથી વધારે છે.

નોકરિયાતોનો સ્ટ્રેસ ઓછો કરવા જુગાડ

ત્યારે સ્ટ્રેસની સમસ્યાનો અનોખો જુગાડ ન્યૂ યોર્કના એક ડિઝાઇન સ્ટુડિયો શોધી કાઢ્યો છે. જે મુજબ કર્મચારીઓને તણાવમુક્ત રાખવા માટે ન્યૂયોર્કના રસ્તા પર અમુક અંતરે પંચિંગ બેગ મૂકી છે, જેથી નોકરી પરથી આવતાં-જતાં લોકો આ બેગ પર પાંચ મારીને તેમનો ગુસ્સો ઊતારી શકે.

પંચિંગ બેગ પર ગુસ્સો ઠાલવે છે લોકો

પંચિંગ બેગનો આઈડિયા લાવનારી કંપની ‘ડોન્ટ ટેક ધિસ રોન્ગ વે’ એ ન્યૂ યોર્ક ડિઝાઇન વીકમાં આ બેગને રજૂ કરી હતી. આ ડિઝાઇન સ્ટુડિયો પ્રમાણે, પંચિંગ બેગના કોન્સેપ્ટ દ્વારા આપણે લોકોની ભાવના અને ગુસ્સાને બહાર નીકળવાની જગ્યા આપીએ છીએ.

સામાન્ય રીતે લોકો પોતાની ભાવના અને ગુસ્સો રોજબરોજની જિંદગીમાં આ રીતે કાઢી શકતા નથી અને તેને કારણે સ્ટ્રેસ વધે છે અથવા પરિવારમાં ઝગડાનું કારણ બને છે. તો ઘણી વખત એક જગ્યાએથી બીજી જગ્યાએ જવામાં પણ લોકો કંટાળી જાય છે. આ જ કારણોસર પંચિંગ બેગ લોકોને રસ્તા પર થોડી રમૂજ સાથે ભાવના વ્યક્ત કરવાનું ઠેકાણું છે.

યુવાનો જ નહીં વૃદ્ધો પણ આગળ

જ્યોર્જિયાના આ ડિઝાઇન સ્ટુડિયો કહ્યું કે આ રીતે પંચિંગ બેગ જાહેર રસ્તા પર મુકવા પાછળનો હેતું સામાન્ય લોકોના જીવનમાં આવેલ ગંભીર પરિસ્થિતિને નોર્મલ બનાવવાનો છે. આ પંચિંગ બેગ ડિઝાઇન એ પ્રકારની છે જેને જોઈને રસ્તા પરથી પસાર થતાં યુવાનોથી લઈને વૃદ્ધો પણ પંચ મારવાનું ભૂલતાં નથી.

LEAVE A REPLY

Please enter your comment!
Please enter your name here