રોજ થોડીવાર સંગીત સાંભળો, મગજ પણ ફ્રેશ રેહશે અને ઊંઘ પણ રાત્રે સારી આવશે,જાણો બીજા ફાયદાઓ

આજકાલની ભાગદોડ ભરેલી આ જિંદગીમાં આજે બધાની સમસ્યાઓ છે કે લોકો ને રાત્રે ઊંઘ નથી આવતી..

વધતી જતી ચિંતા આનું મુખ્ય કારણ માનવામાં આવે છે ત્યારે એક નઝર કરીયે આ સમસ્યાઓ ઉપર. રોજ રાત્રે ઊંઘ ના આવતી હોય તો હળવું સંગીત સાંભળો. નક્કી તમને સારી ઊંઘ આવશે. સંગીત માંસપેશીઓને આરામ આપે છે અને વિચારોની વ્યાકુળતા દૂર કરે છે. તમારો મૂડ ખુશમિજાજ રહે છે અને સમજશક્તિ વધે છે. ઉપરાંત કોઈ બીમારી હશે તો તે પણ ધીમે-ધીમે ઓછી થઈ જશે. એટલે જ આજકાલ હોસ્પિટલોમાં પણ દર્દીઓને સંગીત સંભળાવવામાં આવે છે. જેથી દર્દી જલ્દી સાજા થઈ શકે.

રોજ લગભગ 20-30 મિનિટ સંગીત સાંભળવાથી એકલવાયાપણું અને તણાવ દૂર થાય છે. ઘડપણમાં પણ તાજગી અનુભવશો. ઉંમરની સાથે મગજ તંદુરસ્ત થશે અને યાદશક્તિ વધશે કારણકે સંગીત સાંભળવાથી મગજની કસરત થાય છે. સંગીત વ્યક્તિમાં જીવવાની ભાવના જાગૃત કરે છે.

સંગીત કાર્ટિસોલના સ્તરને ઘટાડે છે અને તણાવગ્રસ્ત માંસપેશીઓને આરામ આપે છે. જેથી અગાઉની તુલનામાં તમે વધારે આશાવાદી અને સકારાત્મક અનુભવશો. ઘણા રિસર્ચમાં સામે આવ્યું છે કે મ્યૂઝિક સાંભળવાથી મગજ રિલેક્સ મોડમાં જતું રહે છે. ક્લાસિકલ મ્યૂઝિક સાંભળવું સૌથી વધુ ફાયદાકારક છે. રેગ્યુલર મ્યૂઝિક સાંભળવાથી મગજનું કાર્ય બરાબર ચાલે છે અને ક્રિએટિવિટી વધે છે.

દુખાવો શરીરનો હોય કે મનનો સંગીત બંનેમાં અસરાકરક છે. એક સ્ટડી મુજબ, અસહનીય દુખાવા વખતે દર્દીને સંગીત સંભળાવવામાં આવ્યું તો તેણે દુખાવાની પ્રતિક્રિયા આપવાનું બંધ કરી દીધું. દુઃખ અને પીડાનો સામનો કરતાં લોકો જલ્દી સંગતીમા ઓતપ્રોત થઈ જાય છે અને પીડા ભૂલી જાય છે.

રોગપ્રતિકારક શક્તિ મજબૂત બનાવે

સંગીત સાંભળવાથી શરીરમાં ઈમ્યૂનોગ્લોબુલિન Aમાં વૃદ્ધિ થાય છે. આ એન્ટીબોડી શ્લેષ્મ પ્રણાલીમાં મહત્વપૂર્ણ ભાગ ભજવે છે અને કોશિકાઓને સ્વસ્થ બનાવે છે. આ રીતે રોગપ્રતિકારક શક્તિ મજબૂત થાય છે. યાદશક્તિ પણ તેજ થાય છે.

શીખવાની ઝડપ વધે છે

કશું પણ વાંચતી વખતે જો તમારી પસંદનું સ્લો મ્યૂઝિક સાંભળશો તો વાંચેલું ઝડપથી યાદ રહેશે. સંગીત શીખવાની ગતિ ઝડપી બનાવે છે. સંગીત ડોપામાઈનને વધારે છે જેથી ઝડપથી શીખી શકાય છે. સંગીત મગજની બીમારીઓથી પીડાતા દર્દીઓને પણ સંભળાવવું જોઈએ.સંગીત સાંભળવાથી સ્ટ્રોકનું જોખમ ઘટે છે. સંગીત એકાગ્રતા વધારે છે.

હાઈ બ્લડપ્રેશર ઘટાડે

રોજ સવાર-સાંજ થોડી મિનિટો સુધી સંગીત સાંભળવાથી હાઈ બ્લડપ્રેશરની સમસ્યા ઘટે છે. લાઈટ મ્યૂઝિક સાંભળવાથી સ્ટ્રોકની સમસ્યા દૂર થાય છે. સંગીત હૃદયને મજબૂત બનાવવામાં મદદરૂપ થાય છે. સંગીત મગજમાં ક્ષતિગ્રસ્ત ભાગને રિકવર કરે છે.

LEAVE A REPLY

Please enter your comment!
Please enter your name here