લાડકી બહેનના લગ્ન બાદ કેવી થાય છે સ્થિતિ, 7 ભાઈઓએ શેર કર્યા અનુભવ

જ્યારે લાડકી બહેનના લગ્ન થયા

ભાઈ અને બહેન વચ્ચેના બોન્ડને શબ્દોમાં જણાવવો મુશ્કેલ છે. તેઓ એકબીજા સાથે ઝઘડો કરે અથવા બોલાચાલી તેમ છતાં એકબીજાથી દૂર નથી રહી શકતા. આ પછી એક એવો દિવસ આવે છે જ્યારે બહેનના લગ્ન થઈ જાય છે અને તે બીજા ઘરમાં જતી રહી છે. અમે સાત ભાઈઓને બહેનના લગ્ન પછી શું અનુભવે છે તે વિશે પૂછ્યુ અને તેઓએ નીચે મુજબ પોતાના અનુભવો જણાવ્યા…

લગ્નના એક મહિના બાદ ખૂબ યાદ આવી

હું મારી મોટી બહેનના લગ્નની તૈયારીમાં એટલો વ્યસ્ત હતો જેના માટે મેં ક્યારેય વિચાર્યું પણ નહોતું. અમે એકબીજાને ખૂબ પ્રેમ કરતા હતા પરંતુ નાની-નાની વાતમાં લડતા રહેતા. આથી હું થોડો ખુશ હતો કે મારે હવે મારે રૂમ કોઈની સાથે શેર નહીં કરવો પડે. મોડી રાત સુધી ચેટ કરવાની કમ્પલેન મમ્મીને કોઈ નહીં કરે. હું તેના લગ્નના એક મહિના સુધી ખૂબ ખુશ હતો, પરંતુ ત્યાર બાદ તેને ખૂબ યાદ કરવા લાગ્યો. તે હવે જ્યારે પણ ઘરે આવે છે અમે હજુ ફાઈટ કરીએ છીએ, પરંતુ હવે આ ઝઘડો મને ખુશ કરે છે.

ધ્રૂસકે ધ્રૂસકે રડી પડ્યો

મારી બહેન મારા કરતા 7 વર્ષ નાની છે, અને હું હંમેશા તેને મારી દીકરીની જેમ રાખતો. તેના લગ્ન સમયે હું સૌથી વધારે ખુશ હતો. તેમ છતાં મારા ઈમોશનને કંટ્રોલ ન કરી શક્યો. તેની વિદાય સમયે હું ધ્રૂસકે ધ્રૂસકે રડી પડ્યો.

મહિનાઓ સુધી તેની યાદમાં ઉદાસ રહ્યો

મારી મોટી બહેન મને એક નાના બાળકની જેમ પ્રેમ કરતી અને તેના લગ્ન બાદ હું મહિનાઓ સુધી ઉદાસ હતો. મને લાગ્યું કે હવે તે માર પ્રત્યે પહેલા જેવી નહીં રહે અને મને જાણીને ઈર્ષ્યા થઈ કે તે પોતાની લાઈફમાં હવે અન્ય કોઈ માટે વિચારશે અને ધ્યાન તેના તરફ વધારે હશે. હું જાણું છું કે આ થોડું બાલિશ લાગે છે, મારી બહેનની સામે હું હંમેશા એક બાળક રહીશ.

બહેન માટે ખુશી થઈ

હું મારી બહેન માટે ખૂબ જ ખુશ હતો. અમે એક જ શહેરમાં રહેતા હતા અને મન થાય ત્યારે મળી શકતા હતા. તેને નવા ઘરમાં જતા જોવી અમાર માટે વિચિત્ર ફીલિંગ હતી પરંતુ અમારામાંથી કોઈપણ રડ્યું કે ઉદાસ નહોતું.

બહેનના લગ્નમાં પિતાની ખૂબ યાદ આવી

અમારા પિતા ત્રણ વર્ષ પહેલા જ મૃત્યુ પામ્યા હતા અને તેમની પહેલાથી જ બહેનના લગ્ન જોવાની ઈચ્છા હતી. લગ્ન દરમિયાન અમે બંને પિતાને યાદ કરીને ખૂબ જ ભાવુક થયા હતા. જો તે અમારી સાથે હોત તો લગ્ન સમયેની ખુશી ઘણી વધારે હોત.

બહેનના દૂર થયા બાદ તેને વધારે મિસ કરું છું

દરેક ભાઈ-બહેનની જેમ અમારે પણ પ્રેમ અને લડવાનો સંબંધ છે. હું ક્યારેય નહોતો જાણતો કે એકવાર દૂર થયા બાદ હું તેને આટલી યાદ કરીશ. હવે જ્યારે પણ મારા ઘરે મમ્મી રાજમા-ચાવલ બનાવે કે પછી શોપિંગ કરવા એકલા જાય અથવા પરિવારમાં કોઈ ઈવેન્ટ હોય અને બહેન આવી ન શકે ત્યારે હું તેને ખૂબ મિસ કરું છું.

લાઈફ હવે પહેલા જેવી નથી રહી

હું અને મારી બહેન ટ્વીન્સ છીએ અને બાળપણથી જ અમને કોઈ અલગ નહોતું કરી શકતું. મારી બહેનના મહિના પહેલા જ લગ્ન થયા છે અને હું તેને રોજ યાદ કરું છું. આ પહેલા ઓફિસથી ઘરે આવીને અમે હંમેશા વાતો કરતા અને સાથે ટાઈમ પસાર કરતા. પરંતુ હવે રોજ દિવસમાં માંડ કોઈવાર ફોનપર વાત થાય છે. આથી હવે લાઈફ પહેલા જેવી નથી રહી.

LEAVE A REPLY

Please enter your comment!
Please enter your name here