મુંબઈની આ જગ્યા જોવા દેશ-વિદેશથી લોકો આવે છે, જાણો શું છે ખાસ

0

એક સમય હતો જ્યારે દેશ વિદેશથી લોકો મુંબઈના બીચ, નાઈટ લાઈફ કે અંગ્રેજોના સમયનું બાંધકામ જોવા આવતા હતા. છેલ્લા થોડા સમયથી સીન બદલાઈ ગયો છે. તમને જાણીને નવાઈ લાગશે પણ હવે વધુને વધુ યાત્રીઓ મુંબઈના સ્લમ જોવા આવી રહ્યા છે. ઘણા લોકોને મુંબઈના સ્લમના લોકો કેવી રીતે જીવે છે, જીવનમાં કેવી રીતે આગળ વધે છે તે જાણવામાં રસ પડે છે.

મુંબઈની ધારાવીની ઝૂંપડપટ્ટી એશિયાનું સૌથી મોટું અને વિશ્વનું ત્રીજુ સૌથી મોટું સ્લમ છે. આ જગ્યા ભારતને આઝાદી મળી તેનાથી પણ જૂની છે. સ્વતંત્રતા મળી તે પહેલા અહીં ભારતીય અને અંગ્રેજ મજૂરો રહેતા હતા. જો કે ભારતના મજૂરોને ઓછી સુવિધા મળતી હતી. 1960 માં ધારાવીમાં માળખાગત સુવિધાઓ વિકસવાની શરૂ થઈ. આજે 0.8 સ્ક્વેર માઈલના વિસ્તારમાં 70,000 થી વધુ લોકો વસે છે. અહીં લોકો એકતાની ભાવનાથી જોડાયેલા છે.

ધારાવી વિષે કેટલીક વાતો જાણીને તમને નવાઈ લાગશે.

અહીં અનેક મંદિર, ચર્ચ, મસ્જિદો આવેલા છે. અહીં સેંકડો ટેક્સટાઈલને લગતા બિઝનેસ પાંગર્યા છે. હજારો કુંભાર અહીં રહે છે. ધારાવીમાં 700થી વધુ રિસાઈકલિંગ યુનિટ છે. તમને જાણીને નવાઈ લાગશે પણ ધારાવીમાં જ 100 કરતા વધુ રેસ્ટોરાં આવેલી છે.

-ધારાવીમાં એન્ટ્રી લેવા માટે કોઈ ફી નથી પરંતુ જો તમે સ્લમ કલ્ચરમાં ડોકિયું કરવા માંગતા હોવ તો તમારે ઓર્ગેનાઈઝ્ડ ટૂરનું આયોજન કરવું જોઈએ. ટ્રાવેલ ઓપરેટર્સ રૂ. 600થી રૂ. 9500 રૂપિયા સુધીના પેકેજમાં તમને ધારાવીની ટૂર પર લઈ જાય છે.

ધારાવી સ્લમ ઈસ્ટર્ન એક્સપ્રેસ હાઈવે અને માહિમ વેસ્ટ રેલવે સ્ટેશનથી જોડાયેલું છે. અહીં ફૂલ ફ્લેજ પ્લાસ્ટિક રિસાઈકલ યુનિટ આવેલું છે જે ચાના કપ, જૂના ટેલિફોન વગેરેને રિસાઈકલ કરે છે. સ્લમમાં લેધરના પ્રોસેસિંગ માટે યુનિટ આવેલા છે. અહીં લોકો પાપડ અને માટીના વાસણો પણ બનાવે છે.

પ્લાસ્ટિક, એલ્યુમિનિયમ અને પેઈન્ટના ડબ્બા વગેરેનું રિસાઈકલિંગ પણ થાય છે. આ કેમિકલ્સમાં કામ કરવું જોખમી તો છે જ પરંતુ તેમાં કામ કરનારા મજૂરોને મજૂરી પણ સાવ ઓછી મળે છે. અહીં ઘર સાંકડી શેરીમાં આવેલા હોય છે. એક સમયે માત્ર બે જ વ્યક્તિ ગલીમાંથી પાસ થઈ શકે છે. મોટાભાગના ઘરમાં એક જ રૂમ હોય છે જેનો ઉપયોગ બેડરૂમ, લિવિંગ રૂમ, રસોડા તરીકે થાય છે.

આઘાતજનક વાત એ છે કે ધારાવીમાં 1400 રહેવાસીઓ વચ્ચે 1 જ શૌચાલય છે. ઘરોમાં નિયમિત પાણી અને વીજળીનો સપ્લાય રહે છે.

ધારાવીમાં ધોબીઘાટ, નાની ઈન્ડસ્ટ્રીઝ, સાબુ અને માટીના વાસણો બનાવવાની ઈન્ડસ્ટ્રી, ટેક્સટાઈલની દુકાનો, ઘરે રાંધેલુ ભોજન વગેરે જોવા માણવા જેવું છે.

લેટેસ્ટ News & Stories અને Videos માટે પેજ લાઈક કરો

LEAVE A REPLY

Please enter your comment!
Please enter your name here